Föstudagur 10, September 2010
Enginn hinna 10 frambjóðenda sem kynntir eru í gluggunum er í framboði í Suðurkjördæmi.
Fólk & fjör | 25. apríl 2009
Vinstri og grænir í vitlausu kjördæmi
Vinstri grænir hafa í auglýsingaskyni lagt gamalli hvítmálaðri rútu sunnan hringtorgsins við Ölfusárbrú á Selfossi. Myndir af frambjóðendum flokksins prýða glugga rútunnar, sem líklega var upphaflega í eigu bandaríska hersins á Keflavíkurflugvelli, og á hlið hennar stendur stórum stöfum: Vegur til framtíðar. Slagorðinu fylgir svo hvatningin: Kjóstu!
Hæpið er að þessi aldna og hrörlega herrúta beri nokkurn um langan veg en verra er að enginn hinna 10 frambjóðenda sem auglýstir eru í gluggunum er í framboði í Suðurkjördæmi. Það er því ekki annað að sjá en rútunni hafi verið lagt í vitlausu kjördæmi ... eða hún ekki haft þrek í Kambana og gefið upp öndina á suðurleið.
© 2010 Sunnlendingur.is | 
Athugasemdir
Skrifa athugasemd
Öllum er frjálst að setja inn athugasemdir og ekki er nauðsynlegt að gefa upp fullt nafn; gælunafn dugar. Netföng þeirra sem skrifa athugasemdir eru ekki sýnileg á vefnum. Afar mikilvægt er að gæta orða sinna þegar athugasemdir eru skrifaðar og persónuníð eða dónaskapur verður ekki látinn viðgangast. Ágæt regla er að skrifa um náungann eins og þú vilt að hann skrifi um þig!