Sævar Þór upp í ICESAVE-skuldirnar

Portúgalski markahrókurinn Cristiano Ronaldo verður að líkindum seldur frá Englandsmeisturum Manchester United til Real Madrid fyrir 80 milljónir punda - eða um 17 milljarða íslenskra króna á gengi dagsins. Verðið miðast eðlilega við markheppni kappans en hann hefur skorað 84 mörk í 196 leikjum fyrir Manchester United eða að jafnaði tæp 0,43 mörk í leik.

Sævar Þór Gíslason, markaskorarinn mesti hjá meistaraflokki Selfoss, hefur skorað 200 mörk í 357 leikjum í mótum á vegum KSÍ eða liðlega 0,56 mörk í leik sem er töluvert betra en Ronaldo hefur afrekað. Því er eðlilegt að sú spruning vakni hvort ekki megi setja Sævar þór upp í ICESAVE-skuldir íslenska ríkins og lækka höfuðstól skuldanna þannig verulega.

Skrifa athugasemd

Öllum er frjálst að setja inn athugasemdir og ekki er nauðsynlegt að gefa upp fullt nafn; gælunafn dugar. Netföng þeirra sem skrifa athugasemdir eru ekki sýnileg á vefnum. Afar mikilvægt er að gæta orða sinna þegar athugasemdir eru skrifaðar og persónuníð eða dónaskapur verður ekki látinn viðgangast. Ágæt regla er að skrifa um náungann eins og þú vilt að hann skrifi um þig!