Þríburarnir komnir með bílpróf og Þórey Jóna situr undir stýri á bílnum sem hún er búin að kaupa.

---Mynd: MHH

Þríburabílpróf á Selfossi

Vikublaðið Dagskráin segir í dag frá þrennum systkinum á Selfossi sem í vikunni fengu bílpróf samtímis en slíkt ku fremur sjaldgæft á Íslandi. Öll eiga systkinin afmæli 24. mars og öll eru þau fædd 1992 og eru þau einu þríburarnir á Selfossi.

Einar Guðni,Brynja Dögg og Þórey Jóna Guðjónsbörn voru öll í ökunámi hjá Eyvindi Bjarnasyni ökukennara í Hverageerði. Mættu þau á lögreglustöðina á Selfossi á miðnætti síðastliðið mánudagskvöld, fengu afhent bráðabirgðaskírteini og fóru svo beint á rúntinn.

Þórey Jóna er búin að fjárfesta í bifreið en Brynja Dögg og Einar Guðni hyggjast kaupa bifreið á næstunni, að því er fram kemur í Dagskránni.

Foreldrar þríburanna eru Guðjón Einarsson og Emma K. Guðnadóttir.